शनिबार, असोज २४, २०८३
कर्पोरट खबर
12:55 pm, शनिबार, असोज २४, २०८३
काठमाडौं । काभ्रेपलाञ्चोकको रोशी गाउँपालिका–९, पिन्थलीमा लेदो हटाइएपछि बीपी राजमार्ग दुईतर्फी सञ्चालनमा आएको छ ।
माथिबाट लेदोसहितको पहिरो खस्दा अवरुद्ध भएको बीपी राजमार्ग पुनः सञ्चालनमा आएको हो । पहिरोका कारण राजमार्ग रातिदेखि अवरुद्ध भएको थियो ।
राजमार्ग भएर यात्रा गर्ने यात्री तथा सवारी चालकलाई सतर्कता अपनाउन तथा सम्बन्धित निकायले यात्रा गर्नुअघि स्थानीय प्रहरी, प्रहरी सञ्चारको १०० नम्बर वा जिल्ला आपत्कालीन सञ्चालन केन्द्रको १२३४ नम्बरमा सम्पर्क गरी सडकको अवस्था बुझेर मात्र यात्रा गर्न जिल्ला प्रशासन कार्यालय काभ्रेपलाञ्चोकले अनुरोध गरेको छ ।
