कोरोनाबाट थप ६ जनाको मृत्यु

२४ घन्टाभित्र कोरोना संक्रमणबाट थप ६ जनाको मृत्यु भएको छ । यो समेत देशभर कोरोना संक्रमणबाट निधन हुनेको संख्या चार सय ५९ पुगेको छ । 

स्वास्थ्य तथा जनसंख्या मन्त्रालयका अनुसार मृत्यु हुनेमा तीन महिला र तीन पुरुष छन् । 

मोरङमा एक पुरुष र एक महिला गरी दुईजनाको मृत्यु भएको छ । त्यसैगरी काठमाडौं र कपिलवस्तुमा एक–एक महिलाको मृत्यु भएको हो । ललितपुर र सप्तरीमा एक–एक पुरुषको मृत्यु भएको मन्त्रालयका प्रवक्ता डा. जागेश्वर गौतमले बताए ।