विश्वभर एकैदिन थपिए ३ लाख ४२ हजार बढी संक्रमित

काठमाडौँ, आश्विन २२ – विश्वमा एकैदिन ३ लाख ४२ हजार बढी कोरोना संक्रमित थपिएका छन् । ५ हजार ८८२ जनाको मृत्यु भएको छ ।

विश्वमा कोरोना संक्रमणका कारण मृत्यु हुनेको संख्या १० लाख ५९ हजार ९ सय नाघेको छ । त्यसैगरी विश्वर कोरोना संक्रमित हुनेको संख्या ३ करोड ६३ लाख ८० हजार नाघेको छ ।

त्यस्तै विश्वभर ७९ लाख २४ हजार बढी सक्रिय संक्रमित छन । जसमध्ये ६७ हजार ३५६ जनाको अवस्था गम्भीर छ । अहिलेसम्म २ करोड ७३ लाख ९६ हजार बढी कोरोना संक्रमणबाट मुक्त भएका छन ।

सबैभन्दा बढी कोरोना संक्रमण फैलिएको अमेरिकामा संक्रमितको संख्या ७७ लाख ७५ हजार नाघेको छ ।

भारतमा संक्रमितको संख्या ६८ लाख ३२ हजार नाघेको छ । एकैदिन थप ७८ हजार बढीमा संक्रमण पुष्टि भएको छ ।