विश्वभर एकैदिन थपिए ३ लाख ८० हजार बढी कोरोना संक्रमित

काठमाडौँ, अशोज २९ – विश्वमा एकैदिन ३ लाख ८० हजार ३६० कोरोना संक्रमित थपिएका छन् । बितेको २४ घण्टामा ६ हजार ८० जनाले ज्यान गुमाएका छन् ।

यो समाचार तयार पार्दासम्म विश्वमा कोरोना संक्रमितको संख्या ३ करोड ८७ लाख २९ हजार १७४ पुगेको छ । अहिलेसम्म १० लाख ९६ हजार ३२० जनाले ज्यान गुमाएका छन् ।

विश्वमा ८५ लाख १३ हजार ६०५ जनामा सक्रिय संक्रमण छ । उनीहरुको विभिन्न अस्पताल, संस्थागत तथा होम आइसोलेसनमा उपचार भइरहेको छ । उनीहरुमध्ये ७० हजार १३५ जनाको स्वास्थ्य अवस्था गम्भीर छ । अहिलेसम्म २ करोड ९१ लाख १९ हजार २४९ जनाले कोरोनालाई जितेका छन् ।

विश्वमा सबैभन्दा धेरै कोरोना संक्रमण भएको देश अमेरिकामा संक्रमित संख्या ८१ लाख ४८ हजार ९२८ छ । अमेरिकामा २ लाख २१ हजार ८४० जनाले ज्यान गुमाएका छन् ।

दोस्रो धेरै संक्रमण फैलिएको भारतमा संक्रमित संख्या ७३ लाख ५ हजार ७० पुगेको छ । अहिलेसम्म भारतमा १ लाख ११ हजार ३११ जनाले ज्यान गुमाएका छन् ।