बीपी प्रतिष्ठानमा उपचाररत थप ३ कोरोना संक्रमितको मृत्यु

काठमाडौं, कात्तिक ४- धरानस्थित बीपी कोइराला स्वास्थ्य विज्ञान प्रतिष्ठानको कोभिड अस्पतालमा उपचाररत थप तीन जनाको मृत्यु भएको छ । मृत्यु हुनेमा धरान–३ का ७२ वर्षीय, धरान–१७ का ६८ वर्षीय र इटहरी उपमहानगरका ५६ वर्षीय पुरुष छन् ।

उनीहरु तीनै जनाको मृत्यु सोमबारै भए पनि प्रतिष्ठानको कोभिड अस्पतालले म‌ंगलबार बिहान मात्र सार्वजनिक गरेको हो ।