सामसङले नोभेम्बर १२ मा एक्सीनोस १०८० प्रोसेसर सार्वजनिक गर्दैं

काठमाडौं,  २० कार्तिक –  विश्वको चर्चित इलेक्ट्रोनिक्स ब्राण्ड सामसङले एक्सीनोस १०८० प्रोसेसर सार्वजनिक गर्ने भएको छ । कम्पनीले नोभेम्बर १२ मा एक्सीनोस १०८० प्रोसेसर सार्वजनिक गर्ने भएको हो । 

कम्पनीले यसको जानकारी चीनी माइक्रोब्लगिङ साइट वीबो मार्फत दिएको छ । यो चीपसेटलाई मीडरेन्ज फोनहरुमा प्रयोग गरिने जनाइएको छ । एन्ड्रोइड अथोरिटीका अनुसार यो नयाँ चीपसेटमा भने कोरटेक्स ए ७८ सीपीयू कोर र मेल जी ७८ जीपीयू प्रयोग गरिएको छ । 

यो चीपसेट भने ५ न्यानोमिटरको प्रोसेसरमा निर्माण गरिएको छ । यो एप्पलको आइफोन १२ मा रहेको ए १४ चीप जस्तै छ । यो नयाँ चीपसेट एकदमै उर्जा योग्य पनि हुनेछ । जी ७८ ले पहिलेको जी ७७ भन्दा २५ प्रतिशत राम्रो काम गर्ने दाबी कम्पनीले गरेको छ । 

सामसङले ५ न्यानोमिटरको एक्सीनोस २१०० चीपसेटमा पनि काम गरिरहेको छ । यसलाई ग्यालेक्सी एस २१ मोडेलहरुमा प्रयोग गरिने जनाइएको छ ।