वामदेव गौतमविरुद्धको मुद्दामा सुनुवाइ जारी

काठमाडौं, २६ कार्तिक – नेपाल कम्युनिस्ट पार्टी (नेकपा) का उपाध्यक्ष वामदेव गौतमविरुद्ध सवोच्चमा परेको रिटको सुनुवाई जारी रहेको छ । करिब एक महिनाअघि हेर्दाहेर्दैमा राखिएको सो मुद्दाको पेसी आज तोकिएको थियो ।

गौतमविरुद्धको रिट प्रधानन्यायाधीश चोलेन्द्र शमशेर राणासहित पाँचजना न्यायाधीशको संवैधानिक इजलासले हेरिरहेको र सुनुवाई जारी रहेको सर्वोच्च अदालतका सञ्चारविज्ञ किशोर पौडेलले जानकारी दिए । वरिष्ठ अधिवक्ता दिनेश त्रिपाठीले गौतमलाई राष्ट्रिय सभामा लैजाने निर्णय बदर गर्नुपर्ने र मन्त्री बन्न रोक्नुपर्ने माग गर्दै रिट हालेका थिए ।

बुधबारको सुनुवाइपछि गौतम मन्त्री बन्ने या नबन्ने भन्ने बाटो प्रस्ट हुनेछ ।