इसेवा मनि ट्रान्सफरको सेवा हङकङबाट पनि

काठमाडौं, मंसिर २ – इसेवा मनि ट्रान्सफरले सेवा विस्तारका क्रममा हङकङबाट पनि रेमिट्यान्स भित्र्याउन सुरु  गरेको छ ।  कम्पनीले हङकङको केएमई रेमिटेन्ससँग सहकार्य गरी  सेवा सुरु  गरेको छ । सेवा सुरु भएसँगै हङकङमा रहेका  नेपालीले केएमई रेमिटेन्सबाट रकम पठाउन सक्नेछन् ।

इसेवाका प्रबन्ध निर्देशक अजेश कोइराला र केएमईका प्रमुख कार्यकारी अधिकृत गोकर्णप्रसाद ढकालले सोसम्बन्धी सहमतिपत्रमा हस्ताक्षर गरेका हुन् ।​

केएमईमार्फत पठाइएको रकम नेपालभर रहेका आठ हजारभन्दा धेरै इसेवा मनि ट्रान्सफरका एजेन्ट तथा इसेवा वालेट एपमार्फत पनि प्राप्त सकिने बताइएको छ ।