नेप्से २००० विन्दुमा, झण्डै साढे ७ अर्बको कारोबार

काठमाडौं, मंसिर १६ – नेपाल स्टक एक्सचेञ्ज (नेप्से)मा साताको तेस्रो दिन आज (मंगलबार) झिनो अंकले बढेको छ । केहि दिनदेखि दैनिक नयाँ रेकर्ड राखेको नेप्से आज भने सामान्य अंकले बढेको हो । 

आज नेप्सेमा ३.३५ अंकले बढेर २ हजार दशमलब ४० विन्दुमा पुगेको छ भने ७ अर्ब ४० करोड ४१ लाख ५४ हजार ७ रुपैयाँ बराबरको कारोबार भएको छ । 

नेप्सेका अनुसार आज कारोबार भएका कूल १२ उपसमूहमध्ये आज ५ वटा उपसमूहको शेयर बढेको छ भने बाँकी ७ वटा उपसमूहको शेयर घटेको छ । 

आज ५ वटा कम्पनीहरुको शेयर सकारात्मक सर्किट लेभलमा कारोबार भएको छ । नेपाल पुनर्बीमा कम्पनी लिमिटेड, रसुवागढी हाइड्रोपावर, अपर तामाकोशी हाइड्रोपावर, सान्जेन जलविद्युत कम्पनी लिमिटेड र नेपाल टेलिकमको शेयर सकारात्मक सर्किट लेभलमा कारोबार भएको हो ।