दमकका प्रविन पाठकको घरमा हतियार सहित गुण्डा शैलीमा हमला गर्ने कोशिस

झापा, २ पौष – दमक नगरपालिका वडा नं ४ निवासी प्रविन पाठकको घरमा अन्जान समूहले गए रात हतियार सहित प्रवेश गरेर हमला गर्ने कोसिस गरेको छ । गए राती ४-५ जना मास्क प्रयोग गरेर हतियार साथ प्रवेश गर्ने खोज्दा पाठक परिवार लगायत स्थानीयको सहयोगमा उक्त समूहलाई खेदाएको प्रविन पाठकले जानकारी दिएका छन् ।

सावधानीका कारण अप्रिय घटना टर्न गएको पाठकले प्रतिकृया दिएका छन् । यो घटना योजना साथ भएको आशंका पाठकको छ । स्थानीयको सहयोगले आफू र आफ्नो परिवारलाई केही नभएको तर स्थानीय नभएको भए जे पनि हुन सक्ने रहेको छ र आफू र आफ्नो ज्यान जोखिममा रहेको पाठकले बताए ।

घटनाको बारेमा आफूले नेपाल प्रहरीलाइ खबर गरिसकेको र आफ्नो पालिका भित्र यस्ता घटना रोक्न शान्ती सुरक्षा र घटनाको अनुसन्धानका लागि पाठकले अपिल समेत गरेका छन । युवा अभियान्ताहरुले घटनाको घोर भत्सर्ना गर्दै दोषीलाई चाडोभन्दा चाडो पक्राउ गरि कार्वाहीको माग समेत गरेका छन।