सुदूरपश्चिम प्रदेशमा कोरोना सकृय संक्रमितको संख्या २ हजार ५६६ पुग्यो

काठमाडौँ, पुस ४ – सुदूरपश्चिम प्रदेशमा कोरोना  सकृय संक्रमितको संख्या २ हजार ५६६ पुगेको छ ।  

शुक्रबार बिभिन्न अस्पतालमा गरिएको परिक्षणबाट थप ७२ जना कोरोना संक्रमण पुष्टि भएपछि प्रदेशमा सकृय संक्रमितको संख्या २ हजार ५६६ पुगेको हो ।

सकृय संक्रमितमा अछाम ३३९, बेतडी १०७, बझाङ्ग ३६०, बाजुरा ५२,डडेल्धुरा २८३, दार्चुला २६२, डोटी १९०, कैलाली ७०१,  कंचनपुर २२९ ,अन्य जिल्लामा ४१, र अन्य देशमा २ जना रहेको सामाजिक बिकास मन्त्रालयले जनाएको छ । 

बितेको २४ घण्टामा गरिएको परिक्षणमा कैलालीका २८,कंचनपुरका ८, अछाम १२, बाजुराका ३ , डडेल्धुराका १८, दार्चुलाका १, अन्यजिल्लामा १ र डोटीका १ जनामा संक्रमण पुस्टी भएको सामाजिक बिकास मन्त्रालयका स्वास्थ्य महाशाखा प्रमुख नरेन्द्र सिह काक्री ले रातोपाटी लार्ई जानकारी दिए ।

कोरोना संक्रमणबाट मृत्यु हुनेको संख्या ४६ पुगेको छ ।  अछाम  २, बैतडी १,बझाङ्ग ३, बाजुरा २,डडेल्धुरा ३, दार्चुला २,डोटी १,  कैलाली २५ र कंचनपुर ७ जना कोरोना संक्रमितको मृत्यु भईसकेको उनले बताए ।

 यो संगै  प्रदेशमा निको हुने संक्रमित संख्या पनि १० हजार १४७ पुगेको छ । बिभिन्न अस्पतालबाट थप २५ जना डिस्चार्ज भएपछि निको हुने संक्रमितको संख्या १० हजार १४७ पुगेको उनले बताए ।

त्यसैगरी बिभिन्न अस्पतालहरुमा ७८ कोरोना संक्रमितको उपचार भईरहेको छ । 

कैलालीको सेतीप्रादेशिक अस्पताल धनगढीमा ३६, महाकाली १४, अछाम २२, डोटी ४, र डडेल्धुरामा २ जनाको उपचार भईरहेको छ ।

प्रदेशका ९ वटै जिल्लामा ९७ आइृसोलेसन सेन्टरमा २ हजार ३२१ बेडहरु छन । सो बेडमा २ सय ५७ पुरुष र १ सय ६ म्हिला र होम आईसोलेसनमा २ हजार ५३ जना रहेको  स्वास्थय महाशाखा प्रमुख नरेन्द्र सिँह कार्कीको भनाई छ । 
८ जना आईसोलेसनमा र २ जनाको भेन्टीलेटरमा उपचार भईरहेको छ । 

१ लाख २६ हजार ४२२ नमुना जाचमा १२ हजार ७५९ जनामा संक्रमण फेला परेको छ भने १ लाख १३ हजार ६६३ नमुना भने  नेगेटिभ आएको  छ । 

अझै ५ सय ९२ नमुनाको रिजल्ट आउन बाँकी रहेको उनले बताए ।