एट्लेटिकोको १० अंकको अग्रता

काठमाडौं ,माघ १९-आइतबार राति क्याडिजलाई उसकै मैदानमा ४–२ ले हराउदै एट्लेटिकोले बार्सिलोना र रियल म्याड्रिडलाई १० अंकले पछि पारेको हो ।

२० खेलबाट एट्लेटिकोको ५० अंक पुगेको छ । २१ खेल खेलेको बार्सिलोना र रियलको समान ४० अंक छ । क्याडिज २४ अंक जोडेर १३औं स्थानमा रहेको छ ।

क्याडिजको मैदानमा एट्लेटिकोको जितमा लुइस सुआरेजले २ तथा सउल निग्वेज र कोकीले समान १ गोल गरे । घरेलु टोलीका अल्भारो नेग्रेडोले दुवै गोल गरेपनि हार टार्न सकेन ।