घट्यो सुनको मूल्य

काठमाडौं, २ फागुन- आइतबार सुनको मूल्यमा सामान्य गिरावट आएको छ । माघ ३० गते प्रतिकित्ता ९० हजार ९०० रुपैयाँमा कारोबार भएको छापावाल सुन आज फागुन २ गते सोमबार भने प्रतितोला एक सय रुपैयाँ घटेर ९० हजार ८०० रुपैयाँमा कारोबार हुने भएको छ ।

नेपाल सुनचाँदी व्यवसायी महासंघका अनुसार सोही परिमाणको तेजावी सुनको मूल्य आज ९० हजार ३०० रुपैयाँ रहेको छ ।

यता, चाँदीको भाउ भने बढेको छ । यसअघि एक हजार ३२० रुपैयाँमा कारोबार भएको चाँदी आज भने प्रतितोला एक हजार ३३५ रुपैयाँ पर्ने महासंघले जनाएको छ ।