पछिल्लो २४ घण्टामा ७९ जना कोरोना संक्रमित थपिए

काठमाण्डौ, ७ चैत – स्वास्थ्य मन्त्रालयका अनुसार पछिल्लो २४ घण्टामा नेपालमा ७९ जनामा कोरोना भाइरस संक्रमण देखिएको छ । 

योसँगै नेपालमा कोरोना भाइरसबाट संक्रमित हुनेको संख्या २ लाख ७५ हजार ८२९ पुगेको छ । 

शनिबार मुलुकका विभिन्न प्रयोगशालामा गरिएको परीक्षणमा ८७ जनामा संक्रमण पुष्टि भएको हो । 

हालसम्म निको हुनेको संख्या २ लाख ७१ हजार ८ सय १५ रहेको छ । पछिल्लो २४ घण्टामा थप ८२ जना संक्रमणमुक्त भएका छन् । 

नेपालमा कोरोनाबाट मृत्यु हुनेको संख्या ३ हजार १६ रहेको छ । पछिल्लो २४ घण्टामा कोरोनाका कारण कसैको मृत्यु भएको छैन । 

हालसम्म देशभर २२ लाख ३३ हजार ३ सय ४५ नमुनाको पिसिआर परीक्षण भएको छ । हाल क्वारेन्टाइनमा ५१ जना रहेका छन् ।