साम्पडोरियासँग बराबरीमा रोकियो एसी मिलान

काठमाडौँ, चैत २१ – इटालियन सिरी ए अन्तर्गत एसी मिलान बराबरीमा रोकिएको छ । शनिबार सम्पन्न खेलमा मिलान साम्पडोरियासँग १-१ गोलको बराबरीमा रोकिएको हो ।

मिलानका लागि जेन्स पिटर हगले खेलको ८७औ मिनेटमा बराबरी गोल गर्दै हारबाट बचाएका हुन् ।

साम्पडोरियाले खेलको ५७औ मिनेटमा साबियो क्वाग्लियारेलाको गोलमा अग्रता लिएको थियो । त्यस्तै यस खेलमा खेलको ५९औ मिनेटमा एड्रियन सिल्भाले रातो कार्ड पाएर मैदान छोडेपछि साम्पडोरिया १० खेलाडीमा सिमित भएको थियो ।

यो बराबरीपछि मिलानको २९ खेलमा ६० अंक भएको छ । मिलान २७ खेलमा ६५ अंक रहेको इन्टर भन्दा ५ अंकले पछाडी रहदै अंक तालिकामा दोस्रो स्थानमा रहेको छ ।

त्यस्तै युभेन्टस भने २७ खेलमा ५५ अंकसहित तेस्रो स्थानमा रहेको छ ।

त्यसैगरी साम्पडोरियाको भने २९ खेलमा ३६ अंक भएको छ र लिगमा १०औ स्थानमा रहेको छ ।