पाल्पामा जीप दुर्घटना हुँदा २ जनाको मृत्यु

काठमाडौं, चैत २४ –  पाल्पामा जीप दुर्घटना हुँदा दुई जनाको मृत्यु भएको छ । तानसेन नगरपालिका काजिपौवामा गएराति भएको जीप दुर्घटनामा दुई जनाको मृत्यु भएको हो । 

मृत्यु हुनेमा जीपका चालक बगनाँसकाली गाउँपालिका-४ का २० वर्षका विजय खाम्चा मगर र रिब्दीकोट-४ का २७ वर्षका राज थापा रहेका छन् । 

काजिपौवाबाट कुखुरा राखेर तानसेन जाँदै गरेको २ च ६३२ नम्बरको जीप दुर्घटना भएको जिल्ला प्रहरीले जनाएको छ ।