मोटरसाइक्लिङ सेफ्टी तथा सस्टेनेबिलिटीसम्बन्धी अन्तरक्रिया कार्यक्रम गरिँदै

काठमाडौं, जेठ २३ – नेपाल अटोमोबाइल्स एसोसिएसन (नासा) को आयोजनामा भोलि जुन ७ तारिख अर्थात जेठ २४ गते बेलुकी जुममार्फत मोटरसाइक्लिङ सेफ्टी तथा सस्टेनेबिलिटी विषयक अन्तरक्रिया आयोजना हुने भएको छ ।

मोटरसाइकल खेल तथा दुईपांग्रे सवारीसाधनको सर्वोच्च निकाय फेडरेसन इन्टरनेसनल डी मोटोसाइक्लिज्म (एफआईएम) ले विश्व वातावरण दिवसलाई लक्षित गरी एफआईएम सस्टेनिबिलिटी विक २०२१ अर्थात एफआईएम स्थिरता सप्ताह यही जुन १ देखि ७ तारिख सम्म मनाइरहेको छ ।

हरेक वर्ष विश्व वातावरण दिवसलाई लक्षित गरी यस संस्था र यस सँग जोडिएका विश्वभरका संघ संस्थाहरुले उतm सप्ताह मनाउँदै आएका छन् । नेपाल अटोमोवाइलस एसोसिएसन (नासा–नेपाल) यसको आधिकारिक संस्था रहेको र यस वर्ष पनि नासा नेपालले यसै सप्ताहलाई लक्षित गरी सो अन्तरक्रिया गर्न लागेको बताएको छ ।

मलुभुत रुपमा राइड क्लिन एण्ड ग्रिन, सस्टेनिबिलिटी, सेफ्टी राइडिङ तथा टु ह्विल टुरिङ विषयमा केन्द्रीत रहने उक्त कार्यक्रममा एफआईएम, राखेप, नासा नेपाल, एनएमएफ क्लब लगायत विभिन्न संघ संस्था गरी देश भित्र र बाहिरका प्रस्तोता एवं सहभागी रहने आयोजक नासा नेपालका प्रतिनिधिले जानकारी दिएका छन् ।

सो अन्तरक्रिया कार्यक्रमको मिडिया पार्टनर नेपाल अटो रहेको छ । उक्त कार्यक्रमको फेसबुक लाइभ नेपाल अटो र नासा नेपालको पेजबाट पनि प्रसारण गरिने छ ।