किराना पसल ११ बजेसम्म खोल्न पाइने, होटेल-रेस्टुरेन्टले होम डेलिभरी सेवा दिन सक्ने

काठमाडौं, जेठ ३० – काठमाडौं उपत्यकामा कोरोना संक्रमण रोकथामका लागि लागू गरिएको निषेधाज्ञाको म्याद थप गर्दै यसलाई केही खुकुलो बनाइएको छ । थप एकसाता निषेधाज्ञा लम्ब्याइएको छ भने थपिएको निषेधाज्ञा असार ७ गते मध्यरातसम्म रहने भएको छ ।

अब किराना र पुस्तक पसलहरु बिहान ११ बजेसम्म खोल्न पाइने छ ।भक्तपुर जिल्लाका प्रमुख जिल्ला अधिकारी प्रेमप्रसाद भट्टराईले संक्रमणदर ३० प्रतिशतभन्दा तल नझरेकाले निषेधाज्ञालाई निरन्तरता दिइने बताए । सवारी आवागमनमा लगाइएको रोक यथावत रहेको उनले बताए ।

होटल-रेस्टुरेन्ट अहिलेसम्म पूर्ण प्रतिवन्धित रहेको अबदेखि टेक अवे र होम डेलिभरी सेवा दिन अनुमति दिइएको छ । बिहान सातबजेदेखि होटल-रेस्टुरेन्टले टेक अवे र होम डेलिभरी सेवा दिन सक्नेछन् । इलेक्ट्रिक र हार्डवेर पसल बेलुका ४ बजेपछि खोल्न पाइने भएको छ ।

मोडालिटी परिवर्तन गर्दै उपत्यकामा एकसाता निषेधाज्ञा थपियो, के–के खुल्छन् अब ? (आदेशसहित)