डिशहोम फाइबरनेट जनकपुरमा विस्तार

काठमाडौं । डिशहोम फाइबरनेट जनकपुरमा पनि विस्तार गरिएको छ । काठमाडौं, भक्तपुर, ललितपुर, हेटौंडा, इनरुवा, इटहरी, बर्दिवास, बुटवल, धरान, ढल्केबर, बिराटनगरमा यसअघि नै डिशहोम फाइबरनेटको सेवा पुगिसकेको छ । नेपालभर पुग्ने लक्ष्य लिएको डिशहोम फाइबरनेट पछिल्लोपटक जनकपुरमा विस्तार गरिएको कम्पनीले जनाएको छ ।

छिट्टै नेपालका प्रमुख सहर पोखरा, नेपालगञ्ज, धनगढी, विर्तामोड, विरगंजलगायत अन्य स्थानमा पनि सेवा विस्तार गरिने कम्पनीले जनाएको छ ।

डिशहोम फाइबरनेटका साथमा उत्कृष्ट इन्टरनेट कनेक्सनको अनुभवसहित डिशहोमका ग्राहकहरुका लागि डिशहोम टिभीको निःशुल्क सदस्यता, आकर्षक छुटहरु, निःशुल्क डिशहोम गो एप र एक्सभिओडी जस्ता सुविधा उपलब्ध रहेको जनाएको छ । फाइबरनेटका योजनाहरु १० एमबीपीएसदेखि १०० एमबीपीएससम्म उपलब्ध रहेको कम्पनीले जनाएको छ ।