प्रभासको फिल्म ‘राधे श्याम’ को प्रदर्शन मिति सार्वजनिक

काठमाडौं- सुपरस्टार प्रभासको फिल्म ‘राधे श्याम’ को रिलीज मिति सार्वजनिक भएको छ। फ्यानहरुले प्रभासको फिल्म ‘राधे श्याम’ कुरिरहेका छन्। प्रभासले आफ्नो सामाजिक सञ्जालमा फिल्मको नयाँ पोस्टर शेयर गरेका छन्, जसमा फिल्मको रिलिज डेटको घोषणा गरिएको हो। फिल्म मकर संक्रान्तिको अवसर पारेर १४ जनवरी २०२२ मा रिलिज हुने भएको छ। पोस्टरमा प्रभास एकदम अलग स्वरुपमा देखिएका छन्। पोस्टरमा प्रभास सुट लगाएर हातमा सुटकेस लिएर सडकमा हिँडिरहेको देख्न सकिन्छ।

उनले फोटो सेयर गर्दै लेखेका छन्, ‘मेरो रोमान्टिक फिल्म ‘राधे श्याम’ तपाईं सबैलाई देखाउन निकै उत्सुक छु। राधे श्याम को ब्रान्ड न्यू रिलीज डेट १४ जनवरी२०२२।’फिल्ममा प्रभास र अभिनेत्री पूजा हेगडेको जोडी साथमा देखिने छन्।