बुद्धकालीन नेपाली चलचित्र ’अंगुलीमाल’ बन्ने

काठमाडौं । युवा निर्देशक अभय डंगोलको निर्देशन रहने ऐतिहासिक नेपाली चलचित्र ‘अंगुलीमाल’ बन्ने भएको छ । तत्कालीन समयमा गलत बाटो अँगालेका हिंस्रक अंगुलीमाललाई सिद्धार्थ गौतम बुद्धले सद्मार्गको लागि प्रेरित गरेको कथाबस्तुमा चलचित्र निर्माण गर्न लागेको हो । फोएसजी प्रोडक्सन र एए स्टार मिडियाको संयुक्त व्यानरमा सुरेन्द्र श्रेष्ठले चलचित्रलाई निर्माण गर्न लागेका हुन् ।
शुक्रबार मध्यपुर थिमिमा एक कार्यक्रमकाबीच चलचित्र निर्माणको घोषणा गर्दै निर्माता र अंगुलीमाल कथाबस्तुका लेखकबीच सहमति पत्रमा हस्ताक्षर गरिएको छ ।
‘चलचित्रलाई आउँदो दसैं र तिहारकोबीचमा शुभमुहूर्त गर्नेछौं ।’ कार्यक्रमको दौरान निर्माता सुरेन्द्र श्रेष्ठले जनाए । ऐतिहासिक कथाबस्तुलाई युवादेखि बृद्धावस्थाका दर्शकको रुचि बमोजिम निर्माण गर्ने योजना समेत श्रेष्ठले सुनाए । सोही अनुरूप एनिमेसन, भिएफएक्स तथा प्राविधिक रूपमा अब्बल बनाउनेदेखि कलाकारहरूको अडिसन लिने सम्मको तयारी भइरहेको छ ।
‘बुद्धको जन्म नेपालमा भएको थियो । तर यो विषयमा अन्तर्राष्ट्रिय स्तरमा गलत प्रचार भइरहेको छ । नेपाली भाषामै निर्माण हुने सिद्धार्थ गौतम बुद्धसँग सम्बन्धित अंगुलीमाल चलचित्रले यो भ्रमलाई चिर्नेछ । देशविदेशमा फिल्म प्रदर्शनी हुँदा यसले सकारात्मक सन्देश दिनेछ ।’ निर्देशक डंगोलको दाबी थियो ।
हुनपनि छिमेकी देश भारतले सिद्धार्थ गौतम बुद्धको जन्मस्थानको विषयमा भ्रमपूर्ण प्रचार गरेकोलाई अंगुलीमाल चलचित्रले चिर्ने विश्वास गर्न सकिन्छ । सिद्धार्थ गौतमले तत्कालीन भारतवर्ष अन्तर्गत बोधगयामा बुद्धत्व प्राप्त गरेपनि बुद्धको जन्मथलो आधुनिक नेपालको लुम्बिनी हो । संयुक्त राष्ट्र संघ अन्तर्गतको युनेस्कोले समेत बुद्धको जन्मस्थान बारे निर्विवाद नेपाल नै भएको जनाएको छ । निर्देशक डंगोलले एनिमेसन गरेर बनाउनुपर्ने भएकोले फिल्मको प्रि–प्रोडक्सन, प्रोडक्सन तथा पोस्ट प्रोडक्सन गर्न करिव दुई वर्ष लाग्ने बताए ।

कार्यक्रममा शिक्षासेवी तथा चलचित्रको लागि कथाबस्तु तयार गरेका रामेश्वर भुजूले अंगुलीमाललाई चलचित्रको पर्दामा उतार्न स्वीकृति दिएको जताए । ‘हिन्दी लगायत धेरै भाषामा उनीहरूकै शैलीमा चलचित्र बनेका छन् । तर नेपालमा जन्मिएका बुद्धको कथाबस्तुलाई नेपाली शैलीमा बनाउन सकिरहेको थिएन । अब बन्ने अंगुलीमालले त्यो अभावलाई पूर्ति गर्न लागेको छ । यो सुखद संयोग हो ।’ भुजूको भनाइ थियो ।

कार्यक्रममा नेपाल साहित्य मन्दिरका अध्यक्ष तिलक प्रकाश कायस्थ, चलचित्र निर्माण कम्पनीका कानुनी सल्लाहकार मुकुन्द कृष्ण श्रेष्ठ, अंगुलीमालका प्रकाशक ईन्द्रकृष्ण श्रेष्ठ लगायतका वक्ताहरूले आआफ्नो धारणा राखेका थिए ।कार्यक्रममा उपस्थित महानुभावहरूःसंस्थागत सहभागिताःनेपाल साहित्य मन्दिर भक्तपुरका अध्यक्ष लितक प्रकाश कायस्थ ।भक्तपुर लेडी जेजिसकी गुजेश्वरी प्रजापति ।कुतः प्रकाशनका विमल ताम्राकार र विष्णु केशरीताम्राकारविराट नेपालभाषा गुथिका श्याम आशा र तीर्थभक्त थकु ।भक्तपुर एफएमका अध्यक्ष लक्ष्मण पलिखेल र धनेशराज राजोपाध्याय ।मध्यपुर सञ्चार समाजका अध्यक्ष बाबुबाजी साःछेँ श्रेष्ठ र सागर गुरागाइँ ।नेवाः पत्रकार राष्ट्रिय दबू भक्तपुर शाखाका उपाध्यक्ष सुरेश ख्वाकः श्रेष्ठ, देवेन्द्र प्रजापति र  राजाराम नापित ।
कलाकारतर्फः
वरिष्ठ कलाकार हृदयप्रसाद मिश्र, कलाकार श्यामसुन्दर शिल्पकार, अर्णेश्वरी शिल्पकार, सुरज व्यञ्जनकार, राजेन्द्र महर्जन, सुरेन्द्र महर्जन, प्रकाश बज्राचार्य, सुधन श्रेष्ठ ।
साहित्यकारतर्फःतेजकृष्ण श्रेष्ठ र बसन्त नकर्मी आदि ।