राजधानी दैनिकका अध्यक्ष महेन्द्र शेरचनको निधन

काठमाडौँ, ३ भदौ । राजधानी राष्ट्रिय दैनिकका अध्यक्ष महेन्द्र शेरचनको निधन भएको छ ।

६७ वर्षीय शेरचनको कोरोना संक्रमणका कारण बुधबार साँझ सशस्त्र प्रहरीको एपीएफ अस्पतालमा निधन भएको हो ।

उनलाई दुई हप्ताअगाडि कोरोना संक्रमण पुष्टि भएको थियो ।

उनी मिडिया अलाइन्सको उपाध्यक्ष र विज्ञापन बोर्ड सदस्य थिए । वैदेशिक रोजगार व्यवसायी संघको संस्थापक अध्यक्षसमेत रहेका शेरचन मिडिया सोसाइटीको पूर्वअध्यक्ष पनि हुन् ।

उनका श्रीमती, तीन छोरा र एक छोरी छन् ।