२४ घण्टामा थप १ हजार ८५७ जनामा कोरोना संक्रमण पुष्टि, २७ जनाको मृत्यु

काठमाडौं, १२ भदौ । नेपालमा पछिल्लो २४ घण्टामा थप १ हजार ८५७ जनामा कोरोना भाइरसको संक्रमण पुष्टि भएको छ ।

बितेको २४ घण्टामा देशभर ९ हजार ४०९ जनाको आरटी–पीसीआर गर्दा १ हजार ५१६ जना र ३ हजार ७६७ जनाको एन्टिजेन परीक्षण गर्दा ३४१ जना गरी आज १ हजार ८५७ जनामा संक्रमण पुष्टि भएको हो । यो सँगै नेपालमा कोरोना भाइरसबाट संक्रमित हुनेको संख्या ७ लाख ५८ हजार ८ जना पुगेको छ ।

नेपालमा पछिल्लो २४ घण्टामा कोरोना भाइरस संक्रमणका कारण २७ जनाको मृत्यु भएको छ । यो सँगै नेपालमा कोरोना भाइरसको संक्रमणका कारण ज्यान गुमाउनेको संख्या १० हजार ६९० जना पुगेको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा २ हजार २२२ जना संक्रमित निको भएका छन् । यो सँगै नेपालमा कोरोना भाइरसबाट संक्रमणमुक्त हुनेको संख्या ७ लाख १० हजार ४५२ जना पुगेको छ । यो कुल संक्रमितको ९३ दशमल ७ प्रतिशत हो ।

हाल देशभर सक्रिय संक्रमितको संख्या ३६ हजार ८६६ जना छ । मन्त्रालयका अनुसार हालसम्म नेपालमा ३८ लाख ८६ हजार ८७८ जनाको स्वाब (नमूना) परीक्षण गरिएको छ भने अहिले ३६ हजार ८६६ जना आइसोलेसन र ३४६ जना क्वारेन्टिनमा छन् ।