थप १३ सय ८८ जनामा कोरोना संक्रमण पुष्टि,२४ जनाको मृत्यु

काठमाडौँ, भदौ १३।  पछिल्लो २४ घण्टामा १३ सय ८८ जनामा कोरोनाभाइरस संक्रमण पुष्टि भएको छ । १० हजार २९७ वटा नमूना (पीसीआर ७,२५९ र एन्टीजेन ३,०३८) परीक्षण गर्दा ती संक्रमित थपिएका हुन् ।

स्वास्थ्य तथा जनसंख्या मन्त्रालयका अनुसार आइतबार २४ जनाको मृत्यु भएको छ भने २२ सय ६० जना निको भएका छन् ।हालसम्म मुलुकमा ३५ हजार ७९६ जना सक्रिय संक्रमित रहेको मन्त्रालयले जनाएको छ ।

नेपालमा कूल ७ लाख भन्दा बढी कोरोनाभाइरस संक्रमित रहेका छन् भने १० हजार ७१४ जनाले ज्यान गुमाएका छन् ।अहिलेसम्म आईसीयूमा ६२५ जना, भेन्टिलेटरमा १६७ जना, होम आइसोलेशनमा ३२,७४४ जना, संस्थागत आइसोलेशनमा ३,०५२ र क्वारेन्टाइनमा ३४३ जना रहेको तथ्यांकमा उल्लेख छ ।