चन्द्रागिरि केबलकार आजदेखि सञ्चालनमा

काठमाडौं, १९ भदौ । कोरोना महामारीका कारण बन्द रहेको चन्द्रागिरि केबलकार आजदेखि सञ्चालनमा आएको छ ।

उपत्यकामा जारी निषेधाज्ञा हटाइएसँगै आजदेखि नियमित रुपमा केबलकार सञ्चालनमा ल्याइएको चन्द्रागिरि हिल्सले जनाएको छ ।

कोभिड–१९ को कारणले बन्द भएको केबलकार तथा रेष्टुरेन्ट लगायतका सेवा आजदेखि स्वास्थ सुरक्षा मापदण्डका साथ पुनः सञ्चालन हुने कम्पनीको भनाइ छ ।