सुजुकीको दशैं अफरः १० हजार ‘क्यासब्याक’, इन्ट्रुडर बाइक जित्ने मौका

काठमाडौं, २१ भदौ । सुजुकी मोटरसाइकल तथा स्कुटरको अधिकारिक बिक्रेता भीजी अटोमोबाइल्सले सुजुकीको लागि दशैं तिहारलक्षित उपहार योजना ल्याएको छ।  कम्पनीले ‘दशैँ आयो उमंग छायो क्यासब्याक को साथै बुम्पर पायो’ उपहार योजना ल्याएको हो।

उपहार योजनाअन्तर्गत कुनै पनि सुजुकी ब्राण्डका मोटरसाइकल तथा स्कुटरको खरिदमा १० हजार स्योरसट पैसा फिर्ता पाउनुका साथै हरेक दुई हप्तामा बम्पर पुरस्कारको व्यवस्था गरिएको छ । त्यसमा सुजुकी इन्ट्रुडर बाइक पाउन सक्ने कम्पनीले जनाएको छ। साथै एक वर्षको सडक दस्तुर र फाइनान्स तथा एक्सचेन्जको सुविधासहित रहेको कम्पनीले जनाएको छ।

योजनाअनुसार ग्राहकले विना कुनै झन्झट हरेक खरिदमा १० हजार फिर्ता पाउनेछन् र हरेक दुई हप्तामा फेसबुक लाइभबाट बम्पर पुरस्कारको रुपमा इन्ट्रुडर बाइक जित्नेछन्। यो बाइक क्रुजिङको लागि अति नै उपयुक्त छ र चलाउन एकदमै कम्फर्टेबल रहेको कम्पनीको दाबी छ।

विश्व प्रसिद्ध जापानिज ब्राण्डको सुजुकीले उत्पादन गर्दै आइरहेका ब्राण्ड उत्कृष्ट र नेपाली बजार सुहाउँदो छन्। बीएस६ भेरिएन्ट उत्पादन पनि गर्दै आइरहेको सुजुकी ब्राण्डमा ग्राहकहरुको विश्वास बढ्दै गइरहेको अवस्थामा यो योजनाले ग्राहकलाई थप फाइदा पुग्ने कम्पनीका जनरल म्यानेजर धिरज भट्टराईले बताए।