सनराइज बैंकको २ शाखारहित बैंकिङ्ग सेवा विस्तार

काठमाडौं, २२ भदौ ।  सनराइज बैंकले दुई स्थानमा शाखारहित बैंकिङ सेवा सुरु गरेको छ । बैंकले सर्लाही जिल्लाको ईश्वरपुर नगरपालिका वडा नं। १५ सोकनाह बजार र सुनसरी जिल्लाको रामधुनी नगरपालिकामा शाखारहित बैंकिङ सेवा सुरु गरेको हो ।

उक्त शाखारहित बैंकिङ्ग सेवाहरु संचालनमा आएसंगै बैंकको शाखारहित बैंकिङ्ग संख्या ८९ पुगेको छ । सो शाखारहित बैंकिङ्गबाट निक्षेप संकलन, रकम भुक्तानी, रकम स्थानान्तरण, बिल भुक्तानी लगायत बैंकले प्रदान गर्ने अन्य सेवा समेत उपलब्ध गराइने बैंकले जानकारी दिएको छ ।

बैंकको हाल १३९ वटा शाखा, १२ वटा एक्सटेन्सन काउण्टर, १६१ वटा एटिएम र ८९ वटा शाखारहित बैंकिङ्ग सेवा मार्फत सेवा प्रदान गर्दै आइरहेको छ ।