पत्रकार, कलाकार र पेसाव्यवसायीको आयकरमा छुट

काठमाडौं,  २५ भदौ।   बजेट प्रतिस्थापन विधेयकमार्फत सरकारले केही पेसाव्यवसायीको आयकर र भ्याटमा मिनाहा गर्ने घोषणा गरेको छ ।

अर्थमन्त्री जनार्दन शर्माले चिकित्सक, कलाकार, पत्रकार, खेलाडी, इन्जिनियर, कानून व्यवसायी, लेखापरीक्षण, लेखापढी व्यवसायी, परामर्श, अभिकर्ता तथा मध्यस्थकर्ता सेवा प्रदायकलगायतका प्राकृतिक व्यक्तिले आर्थिक वर्ष २०७५/७६, २०७६/७७ र २०७७/७८ को करयोग्य आयमा आयकर ऐन, २०५८ बमोजिम लाग्ने कर २०७८ साल फागुन मसान्तभित्र बुझाइ स्थायी लेखा नम्बर लिएमा सोमा लाग्ने शुल्क तथा ब्याज छुट हुने व्यवस्था गरेको जानकारी गराएका हुन् ।

कर बुझाएमा सोभन्दा अगाडिको आयमा लाग्ने आयकर तथा मूल्य अभिवृद्धि कर मिनाहा गरिने अर्थमन्त्री शर्माले बताएका छन् ।