कोरोनाको ४४ लाख डोज खोप लिन निगमको जहाज आज चीन जाँदै

भदौ ३१, काठमाडौं । कोरोना भाइरसविरुद्धको ४४ लाख डोज खोप लिन नेपाल वायु सेवा निगमको चाटर्ड जहाज आज चीन जाँदैछ ।

निगमका अनुसार आज (भदौ ३१ गते) बेलुका ५.४५ निगमको वाइडवडी ३३० जहाज खोप लिन चीन उड्नेछ । निगमका अनुसार उक्त जहाज खोप लिएर शुक्रबार नेपाल फर्किनेछ । सरकारले चीनबाट पछिल्लो पटक ६० लाख डोज खोप खरिद गरेको थियो । जसमा १६ लाख डोज खोप यसअघिनै आइसकेको छ ।