मर्कुश दासको ‘थाहा छैन’ बोलको गीत सार्वजनिक

काठमाडौं । गायक कर्ण दासका छोरा मर्कुश दासले रोमान्टिक गीतका साथ पहिलो म्युजिक भिडियो लिएर आएका छन् ।  शुक्रबार उनको युट्युबमार्फत ‘थाहा छैन’ बोलको गीत सार्वजनिक भएको छ ।  गीतमा शब्द र संगीत कुशल पोखरेलको छ ।

मर्कुशले चार वर्षअघि मेलिना राईसँग ‘जिन्दगी ओराली उकाली’ बोलको गीत गाएका थिए। गीतले युगल गायनतर्फबाट इमेज अवार्डसमेत जितेको थियो ।  स्तरीय गीत भए पनि त्यसको म्युजिक भिडिओ बन्न सकेन। त्यसबाहेक पनि गायक मर्कुशले दुई गीत गाएका छन् जसको अडियो र लिरिकल भिडियो मात्र सार्वजनिक भयो ।

पहिलो पटक मर्कुश भिडियोसहितको गीत सार्वजनिक गरेका मुकेश यस गीतका  म्युजिक भिडिओ निर्देशक पनि हुन्।