सानिमा बैंकका प्रमुख कार्यकारी अधिकृतको वार्षिक तलब भत्ता एक वर्षमा ४६ लाख रुपैयाँले वृद्धि

सानिमा बैंकका प्रमुख कार्यकारी अधिकृत भुवन दाहालको वार्षिक तलब भत्ता एक वर्षमा ४६ लाख रुपैयाँले वृद्धि भएको छ ।
सानिमा बैंकका प्रमुख कार्यकारी अधिकृत भुवन दाहालको वार्षिक तलब भत्ता एक वर्षमा ४६ लाख रुपैयाँले वृद्धि भएको छ ।

गत आर्थिक वर्ष २०७७/०७८ को वार्षिक प्रतिवेदन सार्वजनिक गर्दै सानिमा बैंकले प्रमुख कार्यकारी अधिकृतको तलब एक करोड ८४ लाख १५ हजार रुपैयाँ पुगेको जनाएको हो ।

यो बैंंकले वितरण गर्ने बोनस बाहेकको रकम हो । बैंकले आगामी कात्तिक २४ गते हुन लागेको वार्षिक साधारण सभामा नाफाबाट चुक्ता पुँजीको १७ प्रतिशत हुन आउने एक अर्ब ६४ करोड रुपैयाँ बोनस सेयर वितरण गर्ने प्रस्ताव लगिँदैछ ।

यसबाहेक नगद लाभांशवापत् ८ करोड ६६ लाख रुपैयाँ वितरण गर्दैछ । बैंकले गत वर्ष २ अर्ब ३१ करोड रुपैयाँ खुद नाफा गरेको थियो ।

यसअघि अघिल्लो आर्थिक बर्ष २०७६/०७७ मा उनले तलब, भत्ता र अन्य सुविधाहरू गरेर एक करोड ४६ लाख रुपैयाँ बुझेका थिए ।

यो पनि :

कुमारी बैंकले सिइओलाई दियो २ करोड ३८ लाख तलब

सिटिजन्स बैंकका सिइओ गणेशराज पोखरेलको तलब, भत्ता १ करोड ३१ लाख रुपैयाँ