ए डिभिजन लिगको नयाँ लोगो र ट्रफीको डिजाइन आह्वान, उत्कृष्ट डिजाइनलाई आकर्षक पुरस्कार

काठमाडौं । अखिल नेपाल फुटबल संघ (एन्फा) ले शहीद समरक ए डिभिजन लिगको नयाँ लोगो र ट्रफीको डिजाइन आह्वान गरेको छ । एन्फाले एक सूचना प्रकाशित गर्दै शहीद स्मारक ए डिभिजन लिगको नयाँ लोगो र ट्रफीको डिजाइनका लागि आवेदन आह्वान गरेको हो ।

लोगो डिजाइनका लागि आवश्यक मापदण्ड–

–थीम : लोगोले फुटबलको भावना, राष्ट्रप्रेम र शहीदहरूप्रतिको सम्मान झल्काउने हुनुपर्छ ।

लोगोमा समावेश हुनैपर्ने तत्त्वहरू–

फुटबल प्रतीक : बल, गोलपोष्ट वा खेलसम्बन्धी कुनै चिह्न, नेपाली पहिचान (राष्ट्रिय झण्डा, रङ वा संस्कृति झल्काउने डिजाइन), शहीदको सम्मान र प्रतिनिधित्व गर्ने चिह्न वा कल्पना, स्पष्ट रूपमा ‘शहीद स्मारक ए डिभिजन लिग’ भन्ने पाठ (टेक्स्ट) समावेश ।

–फरम्याट : डिजाइन एडोब इलुसट्रेटर फाइलमा पेस गर्नुपर्नेछ ।

–मौलिकता : लोगो पूर्णतः मौलिक हुनुपर्छ, अन्य कुनै लोगोबाट नक्कल गरिएको हुनु हुँदैन ।

–प्रयोग : लोगो विभिन्न माध्यमहरूमा प्रयोग गर्न मिल्ने हुनुपर्छ (जस्तैः प्रिन्ट, डिजिटल, तथा टेलिभिजन ब्रोडकास्ट)

लोगो पेस गर्ने अन्तिम म्याद : एन्फाले इच्छुकले आफ्नो डिजाइन २०८२ भदौ १५ गते (अगष्ट ३१, २०२५) भित्र procurement@the- nfa.com मा ई–मेलमार्फत पठाउन आग्रह गरेको छ । एन्फाले चयन गरिएको लोगोमा आवश्यक परेमा संशोधन गर्ने र सबै आधिकारिक प्रयोजनमा प्रयोग गर्ने अधिकार राख्ने बताएको छ ।

उत्कृष्ट डिजाइनलाई एन्फाबाट नगद ३५ हजार रुपैयाँ प्रदान गरिने एन्फाले जनाएको छ ।

ट्रफी डिजाइनका विशेषता–

–ट्रफी १० किलो शुद्ध चाँदी प्रयोग गरेर निर्माण गरिनेछ ।

डिजाइनले निम्न पक्षहरु झल्काउनु पर्नेछ–

–फुटबलमा विजय र सम्मान

–राष्ट्रिय गौरव र पहिचान

–शहीदहरूप्रतिको श्रद्धाञ्जली

ट्रफी विशिष्ट, भव्य र लिगको गौरवपूर्ण इतिहास झल्काउने किसिमको हुनुपर्छ ।

डिजाइनरले पेस गर्नुपर्ने विवरण–

–प्रारम्भिक स्केच वा थ्रीडी मोडेल

–डिजाइनको प्रेरणा तथा व्याख्या

–फाइल फारम्याट : पीडिएफ, एडोब इलुसट्रेटर वा थ्रीडी डिजाइन फाइल

लोगो पेस गर्ने अन्तिम म्याद : आफ्नो डिजाइन प्रस्ताव २०८२ भदौ १५ (अगष्ट ३०, २०२५) भित्रमा procurement@the-anfa.com मा पठाइसक्नु पर्नेछ । छनोट गरिएको डिजाइन आधिकारिक ट्रफी निर्माणमा प्रयोग गरिनेछ र डिजाइनरलाई एन्फाबाट औपचारिक रूपमा सम्मानित पनि गरिनेछ ।

पुरस्कार– विजेता डिजाइनरलाई एन्फाबाट नगद ५० हजार रुपैयाँ प्रदान गरिनेछ ।