पोखरामा स्कुटरको हेडलाइट पछाडि लुकाईराखेको लागु औषधसहित एक व्यक्ति पक्राउ

पोखरा मंसिर १५,  कास्की प्रहरीले प्रतिवन्धित लागु औषधसहित एक जनालाई पक्राउ गरेको छ।

मंगलबार साँझ अन्दाजी ६ बजेको समयमा पोखरा महानगरपालिका -९ नागढुंगा बस्ने विकल राना मगरलाई अवैध लागु औषधसहित पक्राउ गरेको वडा प्रहरी कार्यालय रामबजारले जनाएको छ । प्रहरीले उनको साथबाट ब्रुपिनर्फिन ईन्जेक्सन ३१ एम्पुल, फेनारगन ईन्जेक्सन ३१ एम्पुल, डाईजेपाम ईन्जेक्सन ३० एम्पुल र केही नगद वरामद गरेको छ।

प्रहरीका अनुसार मगरले चलाएको ग ११ प १८७० नंवरको स्कुटर शंका लागि चेकजाँच गर्दा स्कुटरको हेडलाईट पछाडी भाइजर भित्र पत्रिका र सेलो टेपले बेरी प्याक गरेको अवस्थामा लागु औषध फेला परेको हो।

पक्राउ परेका उनलाई थप कारवाहीका लागि जिल्ला प्रहरी कार्यालय कास्की पठाइएको रामबजार प्रहरीले जनाएको छ।