खोलाले बगाउँदा अछाममा एक महिला बेपत्ता

काठमाडौँ । खोलाले बगाउँदा अछामकी एक महिला बेपत्ता भएकी छिन् ।

प्रहरीका अनुसार जिल्लाको मङ्गलसेन नगरपालिका–९ मा पर्ने तापिरवा खोलाले बगाउँदा सोही नगरपालिकाका–११ गिटिखौला टोलकी ४४ वर्षीया सरस्वती रावल बेपत्ता भएकी हुन् ।

उनलाई बयलपाटाबाट घर फर्कने क्रममा शुक्रबार दिउँसो २ बजे खोलाले बगाएको जिल्ला प्रहरी कार्यालय अछामले जनाएको छ । अहिले प्रहरी र स्थानीयले खोजी कार्य गरिरहेको छ ।