मकवानपुरबाट ११ किलो गाँजासहित एक युवक पक्राउ
कर्पोरट खबर
7:45 pm, सोमबार, कात्तिक ७, २०७९
काठमाडौँ । मकवानपुर प्रहरीले अवैध लागूपदार्थसहित एक जना लाई पक्राउ गरेको छ । हेटौँडा उपमहानगरपालिका–१० बाट ११ किलो ३९० ग्राम गाँजासहित एक युवकलाई पक्राउ गरिएको प्रहरीले जनाएको छ ।
पक्राउ पर्नेमा पर्साको वीरगन्ज महानगरपालिका–२२ बस्ने २२ वर्षीय रोशन भन्ने ओमप्रकाश पटेल रहेका छन् । जिल्ला प्रहरी कार्यालय, मकवानपुरबाट खटिएको टोलीले ना१ज २६२७ नम्बरको मोटरसाइकल र त्यसका चालकलाई जाँच गर्ने क्रममा रोशनको झोलामा लुकाइ ल्याइएको गाँजा फेला परेको हो । गाँजा र मोटरसाइकलसहित उनलाई नियन्त्रणमा लिएर थप अनुसन्धान गरिरहेको प्रहरीको भनाइ छ ।
FACEBOOK COMMENTS