तनहुँमा शिकार खेल्ने क्रममा बन्दुकको गोली लागेर युवकको मृत्यु

पोखरा मंसिर २०, तनहुँमा गोली लागेर एक युवकको मृत्यु भएको छ ।

जिल्लाको शुक्लागण्डकी नगरपालिका–१ थप्रेकमा शिकार खेल्न जङ्गलमा गएको बेला स्थानिय १७ वर्षीय रोहित मल्लको मृत्यु भएको जिल्ला प्रहरी कार्यालय तनहुँले जनाएको छ ।

प्रहरीका अनुसार युवकको घटनास्थलमै मृत्यु भएको हो । प्रहरीले बन्दुकसहित सोही ठाउँका ४७ वर्षीय सुनबहादुर गुरुङलाई पक्राउ गरेको छ ।

घटनाबारे थप अनुसन्धान भइरहेको प्रहरीले जनाएको छ ।