पर्यटक भिसामा सांगीतिक कार्यक्रम गर्न अमेरिका उडेकी गायिका राउतलाई अध्यगमनले फिर्ता पठायाे

काठमाडौं । गायिका आस्था राउतलाई अमेरिकाकाे एक अध्यगमनले नेपाल फिर्ता पठाइदिएकाे छ । सांगीतिक कार्यक्रमका लागि अमेरिका उडेकी गायिका राउतलाई त्यहाँस्थित डालस अध्यागमनले नेपाल फिर्ता पठाइदिएको हाे ।

पर्यटक भिसामा सांगीतिक कार्यक्रम गर्न नपाइने कारण देखाउँदै अमेरिका प्रवेशमा रोक लगाइएको छ । डिसेम्बर १० मा गायिका राउत त्यहाँ पुग्दा अध्यागमन अधिकारीले उक्त कारण देखाउँदै रोकेको उनले बताइन् ।

पर्फमेन्स भिसा अर्थात् पीथ्रीमै पुनः अमेरिका आउन अध्यागमन अधिकारीले उनलाई भनेका छन् । आफूले सन् २०१५ मै भिजिट भिसा लिएको उनले बताइन् ।

अंग्रेजी नयाँ वर्ष २०२३ को छेकोमा पेन्सिलभेनियाको लानकास्टरमा नेपाली समुदायले आयोजना गरेको सांगीतिक कार्यक्रममा भाग लिन आस्था त्यसतर्फ जाँदै थिइन् ।