ट्याक्टर दुर्घटना हुँदा एक जनाको मृत्यु, तीन जना घाइते

दोलखा । दोलखाको कालिञ्चोक गाउँपालिका–२ बाबरेमा ट्याक्टर दुर्घटना हुँदा एक जनाको घटनास्थलमै मृत्यु भएको छ ।

मृत्यु हुनेमा स्थानीय अन्दाजी ३५ वर्षीय शान्तिमाया थामी छिन् । दुर्घटनामा तीन जना गम्भीर घाइते भएका छन् ।

घाइते हुनेहरूमा निशा थामी, बालकुमारी थामी र टुकी थामी रहेको स्थानीय मानकाजी थामीले जानकारी दिए ।

आज शुक्रबार बिहान बाबरेबाट सोही पालिकाको सोरुङखोलातर्फ जाँदै गर्दा सो ट्याक्टर बाबरे निकोभूमि खोलामा दुर्घटनामा परेको हो ।

तीन दिनअघि जिल्लाकै बिगु गाउँपालिका–४ लादुकमा यात्रुवाहक बसको ठक्करबाट एक जनाको ज्यान गएको थियो । ज्यान गुमाउनेमा सोही पालिकाको वडा नं. ३ बुलुङकी चावा लामा छिन् ।