गठ्ठाघर दुर्घटनामा फरार भएका ट्रक चालक पक्राउ

काठमाडौं । भक्तपुरको गठ्ठाघरमा बिहीबार भएको दुर्घटनापछि फरार ट्रक चालक पक्राउ परेका छन् ।

ना ६ ख २१७३ नम्बरको ट्रकका चालक सतेन्द्र श्रेष्ठलाई प्रहरीले पक्राउ गरेको छ । सर्लाहीको मलंगवा घर भएका ३२ वर्षीय श्रेष्ठलाई प्रहरीले बिहीबार साँझ पक्राउ गरेको जनाएको हो ।

श्रेष्ठले चलाएको ट्रकले बा ४९ प ८९४४ नम्बरको स्कुटरलाई ठक्कर दिँदा स्कुटर चालक पुरुषको मृत्यु भएको थियो । उनको मृत्यु भएपछि स्थानीयहरु आन्दोलित बनेका थिए ।