काठमाडौंबाट भोजपुर जाँदै गरेको बस सिन्धुलीमा दुर्घटना, दुई जनाको घटनास्थलमै मृत्यु

कमलामाई (सिन्धुली) । काठमाडौँबाट भोजपुर जाँदै गरेको यात्रुवाहक बस मदन भण्डारी राजमार्गअन्तर्गत सिन्धुलीको हरिहरपुरगढी गाउँपालिका-५, महेन्द्रझ्याडीस्थित भलखाडामा आज दुर्घटना भएको छ ।

आज दिउँसो ३ बजे आसपासमा दुर्घटना भएको जनाइएको छ ।

बागमती प्रदेश ०१००६ ख ६७८५ नम्बरको बस दुर्घटना हुँदा दुई जनाको घटनास्थलमै मृत्यु भएको जिल्ला प्रहरी कार्यालय सिन्धुलीका प्रहरी उपरीक्षक गोविन्दराज काफ्लेले जानकारी दिए ।

थप विवरण आउन बाँकी रहेको प्रहरीले जनाएको छ ।