जडीबुटीमा राेकिराखेकाे टिप्परमा ठोक्किएर मोटरसाइकल चालकको मृत्यु

काठमाडौँ । काठमाडौँ महानगरपालिका-३२ जडीबुटीमा रोकिराखेको टिप्परमा ठक्कर खाएर गम्भीर घाइते भएका मोटरसाइकल चालकको मृत्यु भएको छ ।

मृत्यु हुनेमा पर्साको वीरगञ्ज महानगरपालिका-१४ मुरलीबगैँचा घर भई काठमाडौँको काँडाघारी हात्तीडाँडा बस्ने ४५ वर्षीय सञ्जय सिंह रहेको केन्द्रीय प्रहरी प्रवक्ता एवं प्रहरी नायब महानिरीक्षक दानबहादुर कार्कीले जानकारी दिए ।

उनले भने, ‘जडीबुटीस्थित सडकमा रोकिराखेको बा४ख ६१८२ नम्बरको टिपप्रमा प्र ३-०२-००४ प ०२०५ नम्बरको मोटरसाइकल ठक्कर खाँदा गएराति निज मोटरसाइकल चालक गम्भीर घाइते भएका थिए ।’

दुर्घटनामा गम्भीर घाइते भएका उनको राष्ट्रिय ट्रमा सेन्टर महांकालमा उपचारका क्रममा मृत्यु भएको हो । हाल फरार टिप्पर चालकको प्रहरीले खोजी गरिरहेको प्रवक्ता कार्कीले बताए ।