जन्ती बोकको ट्याक्टर दुर्घटनामा पर्दा ३ जनाको मृत्यु

धनगढी। कञ्चनपुरमा जन्ती बोकेर फर्किदै गरेको ट्याक्टर दुर्घटनामा परेको छ । दुर्घटनामा परि गम्भीर घाइते भएका तीनजनाको उपचारका क्रममा मृत्यु भएको छ ।

दुर्घटनामा घाइते भएका लालझाडी गाउँपालिका ९ का ५५ वर्षीय रानि राना, ४३ वर्षीया रतना राना र ६५ वर्षीय द्रोपति रानाको उपचारका क्रममा धनगढीमा मृत्यु भएको इलाका प्रहरी कार्यालयले जानकारी दिएको छ ।

शुक्रबार दिउँसो वेदकोट नगरपालिकाको दैजीबाट जन्ती बोकेर फर्किदै गरेको से १ त ३८४१ नम्बरको ट्याक्टर झलारीमा दुर्घटनामा परेको थियो।
दुर्घटनामा चालकसहित १४ जना घाइते भएका थिए। उनीहरू मध्ये ८ जनालाई थप उपचारका लागि धनगढी लगिएको छ ।