अपडेटः राप्ती नदीमा बस खस्दा मृत्यु हुनेको संख्या १२ पुग्यो

काठमाडौं । नेपालगञ्जबाट काठमाडौं आउँदै गरेको भे १ ख ३९१२ नम्बरको यात्रुबाहक बस दुर्घटना हुँदा मृत्यु हुनेका संख्या १२ पुगेको छ ।

भे१ख ३९१२ नम्बरको माउन्टेन एयर न्यू बस शुक्रबार राति साढे १० बजेतिर राप्ती नदी खसेको थियो ।

जिल्ला प्रहरी कार्यालय दाङका डीएसपी जनक बहादुर मल्लका अनुसार बस खस्दा १२ जनाको मृत्यु भएको छ । मृत्यु हुनेहरुमा ६० वर्षे कुसुम बस्नेत, ३९ वर्षे सौरभ विष्ट, ६५ वर्षे तारानाथ पाण्डे, ३१ वर्षे भारतीय नागरिक मुने छन् । अन्यकाे पहिचान खुल्न बाँकी छ ।

घाइतेहरुको राप्ती विज्ञान प्रतिष्ठानमा उपचार भइरहेको छ । दुर्घटनामा सल्यान निवासी वर्ष २८ का बस चालक लालबहादुर नेपालीलाई प्रहरीले नियन्त्रणमा लिएको जनाएको छ । बसमा ३५ जना यात्रु रहेको बताईएको छ । २३ जना घाइते भएका छन् ।