जनकपुरबाट उड्न लागेको बुद्ध एयरको विमानमा मुसा भेटिएपछि…

जनकपुरधाम । जनकपुरबाट काठमाडौं उड्न लागेको बुद्ध एयरको विमानमा मुसा भेटिएको छ। विमानमा चढेका यात्रुले मुसा देखेपछि उडान स्थगित गरिएको छ।

जनकपुरबाट काठमाडौं जान लागेका ४९ जना यात्रुको बोर्डिङ भइसकेपछि विमानमा मुसा भेटिएको हो।

नेपाल नागरिक उड्डयन प्राधिकरणका प्रवक्ता जगन्नाथ निरौलाले विमानमा मुसा देखिएपछि प्राविधिक परीक्षणको काम भइरहेको जानकारी दिए।

मुसाले विमानमा क्षति पुर्‍याए/नपुर्‍याएको यकिन गरी, इन्जिनियरिङ परीक्षणपश्चात मात्रै उक्त जहाजबाट उडान भरिने प्रवक्ता निरौलालले बताए।

उनका अनुसार प्राविधिक जाँचका लागि केही बेर विमान होल्ड गरिएको छ । अब उडान परीक्षणपछि मात्र हुनेछ ।

विमान होल्डपछि यात्रुहरु अलपत्र परेका छन् ।