आइतबार, जेठ १८, २०८२
कर्पोरट खबर
9:28 pm, शुक्रबार, जेठ १६, २०८२
काठमाडौं । नेपाल प्रहरीका प्रहरी नायब महानिरीक्षक (डिआइजी) बाट प्रहरी अतिरिक्त महानिरीक्षक (एआइजी) मा बढुवा भएका सिद्धि विक्रम शाहको पदस्थापना भएको छ ।
शाहलाई प्रहरी प्रधान कार्यालयले कार्य विभागको जिम्मेवारी दिएको छ । प्रहरी महानिरीक्षक दिपक थापाले पदोन्नति भएका शाहलाई दर्ज्यानी चिन्ह प्रदान गरे । जेठ १५ गते सबेको मन्त्रिपरिषद्को निर्णयअनुसार प्रहरी नायव महानिरीक्षकबाट प्रहरी अतिरिक्त महानिरीक्षक पदमा बढुवा गरिएको थियो ।
आफ्नो जिम्मेवारी निर्वाहको क्रममा प्रदर्शित पेशागत दक्षता एवम् कार्यकुशलताको मूल्याङ्कनको आधारमा पदोन्नति भएको चर्चा गर्दै प्राप्त पद र जिम्मेवारीलाई उच्च नेतृत्व क्षमता, सकारात्मक सोच र उर्जाका साथ संस्थागत विकास, सांगठनिक सुदृढिकरण तथा शुद्धिकरण र संगठनको वृहत्तर हितका लागि सामूहिक भावना तथा उच्च मनोबलका साथ कार्यसम्पादन हुने विश्वास आईजीपी थापाले व्यक्त गरे ।
कार्यक्रममा शाहले संगठनको लक्ष्य र उद्देश्य हासिल गर्न एवम् छवि उच्च बनाउन पूर्ण व्यवसायिक निष्ठा र इमानदारीतापूर्वक अझ बढि सशक्त भई कार्यसम्पादन गर्ने प्रतिवद्धता व्यक्त गरे ।
FACEBOOK COMMENTS