तस्बिरमा हेर्नुहोस् एअर डाइनेष्टीको हेलिकोप्टर दुर्घटनापछिका दृश्यहरू

पाँच जनाको शव भेटियो, उद्धार कार्य हुँदै

काठमाडौं । नुवाकोटको शिवपुरी गाउँपालिका–७ सूर्यचौरमा आज भएको एयर डाइनेष्टीको हेलिकोप्टर दुर्घटनामा परी पाँच जनाको ज्यान गएको छ ।

एक जना महिलासहित पाँच जनाको शव फेला परेको नुवाकोटका प्रहरी प्रमुख (एसपी) शान्तिराज कोइरालाले जानकारी दिए । उनका अनुसार अहिले दुर्घटनास्थलमा स्थानीय र प्रहरीले उद्धार गरिरहेको छ ।

नुुवाकोटमा दुर्घटनाग्रस्त एयर डाइनेस्टीको हेलिकोप्टरमा पाँच जना सवार रहेको बताइएको छ ।

त्रिभुवन अन्तर्राष्ट्रिय विमानस्थलबाट रसुवाको स्याफ्रुबेसीका लागि उडेको ९एन एजेडी हेलिकोप्टर क्याप्टेन अरुण मल्लले उडाएका थिए ।

हेलिकोप्टरमा चिनियाँ पर्यटक जुदाड टाङ (पुरुष), जी लि (पुरुष), यियाद वु (महिला) र जेमिङ सी (पुरुष) रहेका छन् । हालसम्म चार जनाको शव फेला परिसकेको बताइएको छ ।