काठमाडौंबाट दिल्ली उड्न लागेको एअर इन्डियाको जहाजमा बम रहेकाे सूचना

काठमाडौं । काठमाडौंबाट भारतको दिल्ली उड्ने तरखरमा रहेको एअर इन्डियाको जहाजमा बम राखिएको सूचना आएको अधिकारीहरूले बताएका छन् ।

अज्ञात समूहले बम राखेको सूचना सार्वजनिक भएपछि जहाजमा बसिरहेका यात्रुहरूलाई ओरालिएको छ ।

सोमबार दिउँसो साढे २ बजे काठमाडौंमा अवतरण भएको जहाजमा बम रहेको हल्लापछि नेपाल प्रहरी, नेपाली सेनाले सुरक्षा जाँचका लागि जहाजलाई नियन्त्रणमा लिएका थिए ।