शनिबार, मंसिर ६, २०८२
कर्पोरट खबर
4:55 pm, शनिबार, मंसिर ६, २०८२
काठमाडौं । नेकपा एमालेका अध्यक्ष केपी शर्मा ओलीले अराजकताको राज धेरै लामो समय नटिक्ने बताएका छन् ।
शनिबार एमालेको जनप्रदर्शन र सभालाई सम्बोधन गर् ओलीले देशको अहिलेको अवस्थालाई एमालेले छिटै अन्त्य गर्ने दाबी गरेका हुन् ।
ओलीले वर्तमान सरकार संविधान र लोकतान्त्रिक विधि मिचेर र असंवैधानिक तवरले गठन भएको उल्लेख गर्दै सरकारले नै देशमा अराजकता, हिंसा र लुटपाटलाई प्रश्रय दिएको आरोप लगाए। जेनजीका नाममा केहि व्यक्ति बोलाएर, तालिम दिएर सुशासनका नाममा घृणा फैलाउने काम भइरहेको उनले बताए ।
सम्बोधनका क्रममा ओलीले बारामा नियोजित रुपमा एमालेको कार्यक्रम असफल बनाउने काम भएको भन्दै एमालेलाई निषेध गर्ने क्रम जारी रहे सह्य नहुने चेतावनी दिए ।
उनले फागुन २१ गते प्रतिनिधिसभा निर्वाचन सरकारको नाटक मात्रै भएकाले निर्वाचन हुन्छ भनेर भ्रम पाल्न नहुने बताउदै दुर्गा प्रसाईंले सार्वजनिक गरेको भिडियोको यथार्थका बारेमा प्रधानमन्त्रीले जनतालाई जानकारी गराउनुपर्ने र प्रसाईंलाई गिरफ्तार गरेर यथार्थबाट भाग्न नमिल्ने बताए ।
एमालेले प्रतिनिधि सभाको पुनस्र्थापनाको माग गर्दै स्थानीय, जिल्ला र आज काठमाडौँमा प्रदर्शन र सभा गरेको छ ।
FACEBOOK COMMENTS