आइतबार, कात्तिक २३, २०८२
कर्पोरट खबर
6:28 pm, आइतबार, कात्तिक २३, २०८२
काठमाडौँ । अखिल नेपाल फुटबल संघ (एन्फा) ले आन्दोलनरत फुटबल खेलाडीलाई वार्तामा बोलाएको छ ।
ए डिभिजन लिग अर्को बर्ष गर्ने एन्फाको निर्णयविरुद्ध आन्दोलनमा रहेका खेलाडीहरुलाई एन्फाले सोमबारका लागि वार्तामा बोलाएको प्रवक्ता सुरेन्द्र शाहले जानकारी दिएका छन् ।
कार्तिक १७ गते एन्फा र ए डिभिजन क्लबहरुबीच भएको सहमतीप्रति असन्तुष्ट रहदै नेपाल फुटबल खेलाडी संघको नेतृत्वमा भएको सडक प्रदर्शनप्रति सवेदनशिल रहदै ए डिभिजन लिग तथा राष्ट्रिय लिगका सम्बन्धमा उठेका विचार एवम् भावनाहरुलाई संवाद मार्फत नै सम्बोधन गर्ने मान्यता बमोजिम नेपाल फुटबल खेलाडी संघ तथा प्रतिनिधीलाई सोमबार वार्ताका लागि आव्हान गरिएको प्रवक्ता शाहले जानकारी दिएका छन् ।
यसअघि खेलाडीहरु गत विहिबार एन्फा कम्प्लेक्स सातदोबाटो पुगेर एन्फाको गेटमा मेडल झुण्डाउदै निर्णय सच्याउन र यसैबर्ष लिग गराउन माग गर्दै धर्ना दिएका दिएका थिए । खेलाडीहरुले एन्फालाई निर्णय सच्याउन भन्दै सात दिनको अल्टिमेटम दिएका छन् ।
FACEBOOK COMMENTS