कलाकारिता क्षेत्रमा चर्चा बटुल्दै मोडल अञ्जली थापा

काठमाडौं । नव कलाकार अञ्जली थापाले कलाक्षेत्रमा आगमन सगै आफ्नो अभिनय प्रतिभाका कारण छोटो समयमा आफुलाई स्थापित गर्न सफल भईरहेकी छिन् । वि.सं २०६१ साल मोरङको पथ्रीमा जन्मिएकी कलाकार अञ्जली थापा विगत २ बर्षदेखि काठमाडौँमा बस्दै आएकी छिन् ।

हाल काठमाडौँमा बस्दै आएकी अञ्जली सानै उमेरबाट नित्य र राम्रो अभिनय गर्ने गर्थिन् । यही आत्माविश्वासले गर्दा १२ कक्षामा पड्दै गर्दा २०७८ सालमा कलेज स्तरियमा भएको “मिस कलेज २” मा “मिस कलेज विजेता” समेत बनेकी थिइन । सानै उमेरबाट मनोरञ्जन क्षेत्रमा रमाउने उनी विगत डेड बर्षदेखि निरन्तर रुपमा कला क्षेत्रमा लागिपरेकी छिन् ।

उनी अन्य कलाकारले भन्दा केही नयाँपन दिएर आफ्नो छुटै छाप छोड्ने आंकाक्षा सहित एक सफल नायिका बन्ने सपना बोकेर यस क्षेत्रमा प्रवेश गरेकी हुन् । आफ्नो सानैदेखिको ठुलो सपना र उद्देश्य भनेकै नेपाली कला संस्कृतिलाई अन्तर्राष्ट्रिय स्तर सम्म पुर्‍याउने रहेको उनले बताइन् । साथै, नेपाली फिल्म उद्योगलाई ग्लोबल फिल्म इण्डस्ट्रिको रुपमा विकास गर्नु पर्छ भन्ने महान् सोच उनले लिएकी छिन् ।

उनले साङ्गतिक कार्यक्रमको शिलशिलामा थुप्रै फेशन सो मा कोरियोग्राफी पनि गरिसकेकी छिन् । यस्तै उनले अहिले सम्म थुप्रै इभेन्टमा जजको भूमिका र म्युजिक भिडियो टेलिभिजन सिरियल र बिज्ञापनमासमेत काम गरिसकेकी छिन् ।

नृत्य र अभिनयमा पोख्त आकर्षक सुन्दर र मिलेको फिगरकि धनी उज्यालो मुहार नशालु हेराइ मृग नयन गुलाबी ओठ र सेक्सी एन्ड बोल्ड लुक्स नै उनी प्रतिको अर्को मुख्य आकर्षण हो । मिजासिलो स्वभाव सकारात्मक सोचको धनी सामाजिक कार्यमा पनि रुचि राख्ने उनी सबै सङ्ग सजिलै घुलमिल हुन सक्ने भावनाको छिन् ।

आफ्नो रोजाइको युवक नै नभेटेकोले अझै सिङ्गल रहेको अञ्जलिले बताइन् । उनले अहिले जो कोहीलाई विश्वास गर्ने जमाना नरहेकोले आफु सिङ्गल रहेको जिकिर गरिन् ।

अभिनय गर्न निकै मन पराउँने उनी हाल प्रसारण भैइरहेको नेपाली टेलिसिरियल “भैरवी”मा आवद्ध छिन । साथै, प्याराडक्स टिभीले सञ्चालनमा ल्याएको क्यिुपीड सो गेम अफ लभमा सिजन टुमा पनि उनी आवद्ध भएकी छिन् । यस्का साथै विभिन्न नेपाली म्युजिक भिडियो तथा फेसन सोहरुमा समेत काम गर्दै आयकी छिन । नेपाली कला क्षेत्रले अञ्जली जस्ता प्रतिभावान युवा कलाकार पाएपछि लामो दौडमा चल्न सक्ने क्षमता भएको प्रतिभा पाएको चर्चा नेपाली कलामा हुन थालेको छ ।